Lucena nagtala ng mataas na kaso ng COVID
LUCENA CITY , Philippines — Nakapagtala ng mataas na kaso ng COVID-19 sa loob lamang ng 24-oras ang lungsod makaraang mag-zero cases ito noong nakalipas na buwan.
Ayon sa inilabas na datos ng City Health Office (CHO) at local IATF sa pamamagitan ng City Public Information Office, nagkaroon ng 13 bagong kaso ng COVID-19 nitong alas-11:00 ng gabi ng Hunyo 9, 2020.
Dahil dito, umakyat na sa 61 ang bilang ng mga taong nagpositibo sa nakahahawang virus. May 32 indibidwal na sumasailalim sa gamutan ang nakarekover at walang naitalang nasawi simula noong Marso.
Matatandaan na noong Mayo 20,2020 ay binulaga ng magandang balita ang mga residente ng lungsod makaraang makarekover ang lahat ng 29 na active cases patient dito.
Makalipas ang ilang araw, muling nagkaroon ng tatlong kaso hanggang sa paunti-unting madagdagan nang sumailalim ang lungsod sa general community guarantine (GCQ).
Sa ngayon ay mayroon nang 150 cases at 8 probable cases ng virus ang Lucena kung kaya’t nananawagan sa mga residente si Mayor Roderick Alcala at ang hepe ng pulisya na si PLt.Col.Romulo Albacea na manatili na lamang sa kanilang mga bahay ang hindi mga frontliners at walang mahalagang gagawin.
- Latest
