Bangkay ng lola, hinalay sa libingan!
![Bangkay ng lola, hinalay sa libingan!](https://media.philstar.com/photos/2019/10/04/dead1_2019-10-04_00-38-47.jpg)
MANILA, Philippines – Pinaniniwalaang ginahasa ang isang 84-anyos patay na lola matapos na matagpuan ang bangkay nito na wala ng pang itaas sa mismong libingan nito sa isang sementeryo sa Digos City Public Cemetery, Digos City, Davao del Sur.
Sa naantalang ulat mula sa pulisya, nagulat na lamang umano ang kamag-anak ng biktima ng kanilang puntahan ang libingan ng matanda na nasira at nasa labas na ito.
Nabatid na wala na ang pang ibaba na damit (underwear) ni Isabel Bastatas, 84-anyos na inilibing sa Digos City Public Cemetery nitong Sabado, Setyembre 28. Kinaumagahan ay tumungo sa libingan ang kamag-anak at bumulaga sa kanila ang walang saplot na katawan ng matanda at naka-ekis pa ang paa nito.
Malaki ang paniniwala ng mga kamag-anak at kapamilya ng biktima na binaboy ang matanda dahilan para sila magsumbong sa pulisya.
Nagsagawa ng imbestigasiyon ang pulisya upang mabatid ang totoong nangyari sa matanda matapos na isinailalim na sa interogasiyon ang mga suspek na menor-de-edad na nahuli nitong Miyerkules (Oktubre 3).
- Latest