Magkaibigan niratrat sa sabungan: 1 patay!
CAVITE , Philippines — Isa ang patay habang isa pa ang malubhang nasugatan matapos na pagbabarilin ng mga hindi nakilalang suspek ang isang magkaibigan habang nasa loob ng cockpit arena sa Imus City kamakalawa ng gabi.
Base sa inisyal na ulat ng pulisya, dakong alas-6:45 ng gabi nang maganap ang pamamaril sa may Imus Sports Arena, Brgy. Anabu 2-C, nasabing lungsod. Kapwa umano nakatayo ang dalawang biktima na sina Mario Reyes Sr. at Herminiano Silla, kapwa nasa hustong gulang, sa entrance ng nasabing sports cockpit arena nang lapitan ng dalawang lalaking armado ng cal. 45 pistol at walang sabi-sabing pinaulanan ng bala ang dalawa at saka sila mabilis na tumakas.
Dead-on-the-spot sa insidente si Reyes habang agad na dinala sa ospital si Silla na kasalukuyang inoobserbahan.
Inaalam pa ang posibleng motibo sa pamamaril habang pinaghahanap na ng mga pulis ang mga suspek.
- Latest