‘Tulak’ na utol ni Kap, timbog sa droga

Legazpi City, Albay, Philippines — Swak sa kulungan ang isang tulak ng droga at nagyayabang na kapatid umano siya ng isang kapitan ng barangay matapos maaresto ng mga ahente ng Philippine Drug Enforcement Agency (PDEA) at pulis sa Purok 2, Brgy. 28,Victory Village sa Legazpi City, Albay kamakalawa ng umaga.

Kinilala ang suspek na si Salvacion Loveriza Ballarbare, na sinasabing  kapatid ni Kapitan Antonio Loveriza at isang nagngangalang Vicky Guzman, residente ng Caloocan City.  Sa police report na nakarating sa Camp Gen. Simeon Ola, dakong alas-9:20 ng umaga, isinagawa ng mga tauhan ng  PDEA sa pangunguna ni Agent Enrique Lucero katulong ang mga pulis ang search warrant operation sa bahay ng suspek. 

Nakuha mula sa suspek ang ilang sachet ng shabu na  may timbang na 60-gramo na nagkakahalaga ng P360-libong piso.  Todo-tangi naman ang naturang barangay chairman na may alam siya sa iligal na gawain ng kanyang kapatid.