Kinalasan ng nobya, nagbigti

LUCENA CITY, Quezon, Philippines - Winakasan ng 21-anyos na college student na sinasabing kinalasan ng kanyang kasintahan matapos itong magbigti sa kanilang bahay, kamakalawa ng tanghali sa Purok 1A, Barangay Dalahican sa Lucena City, Quezon. Base sa police report na nakarating kay P/Supt. Art Brual Jr, chief of police ng Lucena City, kinilala ang biktima na si Angelo Untiveros, 3rd year college. Batay sa imbestigasyon, dakong alas-11 ng tanghali ay pinuntahan ni Jacobia ang silid ng anak sa ikalawang palapag ng bahay upang aluking mananghalian. Gayunman, nabigla ang ina nang makita na nakabitin ang kanyang anak gamit ang kable ng kuryente. Narekober naman ang suicide note sa bulsa ng pantalon ng biktima na nagsasaad ang paghingi ng kapatawaran sa kanyang ginawa. Nabatid na nakitaan ng pagkaaburido ang biktima at hindi nagsasalita dahil sa sinasabing pakikipagkalas ng kanyang kasintahan.