Truck driver, itinumba
Magkatuwang na sinusuri ng mga tauhan ng Scene of the Crime Operatives (SOCO) ang nakabulagtang truck driver matapos itong barilin ng motorcycle-riding gunmen sa Barangay Tiaong, Guiguinto, Bulacan noong Sabado ng hapon. Boy Cruz
BULACAN, Philippines – Pinabulagta ang 45-anyos na truck driver matapos itong ratratin ng motorcycle-riding assassins sa Barangay Tiaong, bayan ng Guiguinto, Bulacan noong Sabado ng hapon. Nagtamo ng ilang tama ng bala sa katawan ang biktimang si Rey Anonuevo ng Barangay Cojuangco sa bayan ng Santa Rosa, Nueva Ecija. Base sa imbestigasyon ni PO3 Erwin Macmela, pansamantalang ipinarada ng biktima ang trailer truck (ABK-3756) kung saan nananghalian kasama ang kanyang pahinante sa isang karinderya sa panulukan ng NLEX-Bypass Road sa nasabing barangay. Gayunman, naunang sumakay ng trak ang pahinante habang ang biktima naman ay pasakay na nang lapitan at pagbabarilin ng tandem. Narekober sa crime scene ang 3-basyo at 2 deformed slug ng cal .45 pistol.
- Latest
