‘Thank you!’

Nakapanood ako ng PBA games live last Sunday sa MOA Arena.

Semis. Ginebra vs Meralco then San Miguel Beer vs Rain or Shine.

At dahil ringside ang ticket ko, napaupo ako sa likod ng mesa ng technical committe at ni deputy commissioner Eric Castro.

Maganda naman pareho ang game. Pero kadalasan, nabaling ang attention ko sa kanila at sa mga referees.

Mahirap na trabaho.

Para kang punching bag. Ready ka dapat tumanggap ng lahat ng klaseng mura mula sa players at coaches.

Ewan ko lang pero nakasanayan na siguro ng referees na sumalo ng masasakit na salita at dehins ka pwede sumagot.

Pati si deputy commissioner puntirya din ng mga players at coaches. Iwas eye contact na lang.

May bad calls on both sides. Hindi maiwasan eh.

Pero walang tatalo sa angal nila Rain or Shine coach Yeng Guiao at veteran Beau Belga. Natalo pa naman sila.

Natawa na lang ako sa closing minutes nang tumawag ng foul kontra San Miguel ang isang referee.

Isang malakas na hiyaw ni coach Yeng sa game officials ang sumunod.

“THANK YOU!!!”