Gilas men’s at women’s 5-on-5 teams puro na sa gold
MANILA, Philippines — Lalong namuro ang Gilas Pilipinas teams matapos ang dominanteng panalo ng men’s at women’s teams kontra sa magkaibang karibal kahapon sa papatapos na 31st Southeast Asian Games sa Thanh Tri Gymnasium sa Hanoi, Vietnam kahapon.
Sinagasaan ng Gilas men’s ang Malaysia, 87-44, upang umangat sa 5-0 kartada habang dinomina rin ng Gilas women’s ang Singapore, 88-61, para sa 4-0 baraha.
Walang playoffs ngayong SEA Games edisyon kaya kung sino ang may pinakamagandang kartada pagkatapos ng single-round robin ang siyang mag-uuwi ng gintong medalya.
Huling balakid sa misyon ng Gilas men’s ang Indonesia habang haharapin ng women’s ang Malaysia ngayong araw.
Tulad ng kanilang mga unang panalo ay umiskor ang lahat ng 12 manlalaro ni coach Chot Reyes sa pangunguna ni Thirdy Ravena na may 17 markers, 7 rebounds, 5 assists at 2 steals.
May tig-9 points sina RR Pogoy at Lebron Lopez, may walo rin si Isaac Go habang 10 minuto lang ang nilaro ni six-time PBA MVP June Mar Fajardo tungo sa limang markers.
Para sa women’s team, umariba si Clare Castro na may 15 puntos habang may tig-14 din sina Khate Castillo at Janine Pontejos sa kanilang 27-point win.
Nais ng Gilas men’s na masungkit ang ika-14 sunod at kabuuang ika-19 na SEA Games gold medal habang ikalawang sunod naman para sa Gilas women’s bilang hari’t reyna ng SEA Games basketball.
- Latest
