Crackdown sa e-sabong operations, iniutos ng DILG

MANILA, Philippines — Inatasan na ng Department of the Interior and Local Government (DILG) ang Phi­lippine National Police (PNP) at mga Local Government Units (LGUs) na magpatupad ng crackdown laban sa lahat ng illegal e-sabong operations.

Ito’y kasunod ng mga ulat na may ilang illegal outfits na nagsimula ng operasyon, sa kabila ng kautusan ni Pang. Rodrigo Duterte na itigil na ang operasyon ng e-sabong sa bansa.

“DILG Secretary Eduardo M. Año has directed the PNP Directorate for Operations, the PNP Anti-Cybercrime Group and all PNP units nationwide to put a stop to these illegal e-Sabong operations that reportedly sprouted after the President shut down the PAGCOR-licensed operators,” ayon kay  DILG Undersecretary at Spokesperson Jonathan Malaya, sa isang pahayag.

Ani Malaya, nakatanggap ang DILG ng mga ulat na may pitong outfits ang nag-ooperate ng walang prangkisa o lisensiya, na paglabag sa direktiba ng pangulo.

Sinabi ni Malaya na may kahalintulad na direktiba ang inisyu sa mga LGUs upang ipatigil na ang mga e-sabong operations sa kani-kanilang hurisdiksyon.

Humingi na rin aniya ang DILG ng tulong sa Anti-Cybercrime Division ng National Bureau of Investigation (NBI) hinggil sa naturang mga ilegal na aktibidad.

“These illegal e-sabong outfits are operating without licenses or franchises from the national or local governments and are not remitting a single peso in revenue to the state,” ani Malaya.

Umapela rin naman si Malaya sa publiko na huwag tangkilikin ang naturang illegal operations at sa halip ay kaagad itong isuplong sa mga kinauukulan.

“We urge the public to immediately contact your nea­rest police station if you know where the studios of these illegal e-sabong operations are so we can put a stop to it. If you also know who the operators are, please contact your nearest police station or CIDG office,” panawagan pa ni Malaya.

Binalaan din ni Malaya ang publiko na huwag nang tumaya sa mga naturang on-line platforms dahil ang mga ito ay unregulated at hindi nila masisigurong mababayaran sakaling sila ay mananalo.

“Dahil illegal po ito, hindi n’yo po alam kung saan napupunta ang inyong pera or kung may dayaan,” anang DILG official.