Cavitex rumesbak sa Platinum

MANILA, Philippines — Nasikwat ng Cavitex ang leg title matapos pataubin ang Platinum Karaoke, 21-13 sa PBA 3x3 Second Confe­rence Season 2 kahapon sa Robinson Place Novaliches.

Maagang ipinaramdam ng Braves ang kanilang paghihiganti nang itarak ang 10-2 lead sa pagtutulungan nina Dominik Fajardo at Chester Saldua  sa unang apat na minuto.

Mula rito hindi na nakabawi pa ang Platinum at tulu­yan nang inangkin ng Braves ang kanilang unang championship crown at premyong P100,000.

Napasakamay ng Platinum ang P50,000.

Tersero naman  ang Pioneer Elastoseal nang talunin ang Barangay Ginebra, 17-14.