Blazers tiwalang makakalaro si Corteza sa pagsagupa sa Red Lions sa Final Four
MANILA, Philippines — Ilang araw bago ang Final Four ng NCAA Season 98 men’s basketball tournament ay tinamaan pa ng kamalasan ang College of Saint Benilde matapos magtamo ng injury ang isang key player nito.
Inihayag ni Blazers head coach Charles Tiu na nagkaroon ng sprained ankle si Miggy Corteza sa laban ng Benilde kontra sa San Beda University sa eliminasyon noong Martes.
Masuwerte na lamang dahil may ilang araw pa para makapagpahinga si Corteza bago sumabak sa importanteng laban ng koponan sa semis.
“Rest muna siya. He’s still recovering,” ani Tiu.
Nakuha ni Corteza ang nsabing injury sa first half ng Benilde bakakan ng San Beda.
Ngunit hindi agad ito sumuko at nagpahinga.
Naglaro pa rin si Corteza para tulungan ang Blazers na makuha ang 82-73 panalo na nagbigay sa kanilang tropa ng twice-to-beat advantage.
Salamat sa pain killer para makapaglaro pa rin ito sa kabila ng iniindang sakit.
Malaking tulong si Corteza sa rotation ng Blazers dahil mayroon siyang mga averages na 13.4 points at 4.7 boards.
Kaya naman umaasa si Tiu na magiging maayos ang lagay ni Corteza bago magsimula ang Final Four.
Lalabanan ng Benilde ang San Beda sa semis na magsisimula sa Martes.
Tangan ng Blazers ng twice-to-beat advantage matapos makuha ang top spot sa elimination round.
- Latest
