Mojdeh at De Kam babandera sa kampanya ng BEST-Philippines a Paris swimfest
MANILA, Philippines — Ipaparada ng Behrouz Elite Swimming Team (BEST-Philippines) ang walong matitikas na tankers para sa 10th Circle of Swimmers of Melun Val de Seine sa Mayo 13-15 sa Paris, France.
Ito ang inihayag ni BEST-Philippines team manager Joan Mojdeh matapos makatanggap ng imbitasyon mula sa mga organizers ng Paris meet.
“Our mission is to enhance the talents of our swimmers from grassroots to elite. Unti-unti na-achieve namin for years and now isinama na namin sa programa ang international tournament. Kailangan ng mga bata ang experience and an international competition is the best for them,” wika ni Mojdeh.
Mangunguna sa ratsada ng Pinoy squad sina national junior record-holder Micaela Jasmine Mojdeh at Marcus De Kam na nagpasiklab sa katatapos na FINIS Short Course swimming series-Luzon Leg.
Kasama rin sina Hugh Antonio Parto, Jordan Ken Lobos, Yohan Mikhail Cabana, Nicholas Ivan Radovan, Lance Arce Lotino at Julia Ysabelle Basa.
Magsisilbing head coach ng koponan si veteran mentor Virgilio De Luna kasama si strength and conditioning coach Jerricson Llanos.
Ito ang ikalawang international competition na lalahukan ng BEST-Philippines para sa taong ito matapos ang Hamlton International meet sa Dubai.
- Latest
