Barbosa mapapalaban sa Korean top seed
TOKYO — Ang World No. 1 kaagad ang makakasagupa ni Pinoy bet Kurt Barbosa sa pagsipa ng preliminary round ng Olympic taekwondo competition ngayon.
Haharapin ng 22-anyos na si Barbosa si World No. 1 Jang Jun ng South Korea sa men’s 58 kg category.
Ang UAAP Rookie MVP ay No. 16 sa kanyang weight division habang nagwagi naman si Jang ng dalawang World Taekwondo Grand Prix titles at isang gold medalist sa Asian Games bukod pa sa paghahari noong 2019 World Taekwondo Championships sa Manchester, Great Britain.
Ngunit maaaring makatsamba si Barbosa kay Jang kagaya ng nangyari noong 2016.
Sa Rio de Janeiro Olympics sa Brazil ay sinibak ni Omar Hajjami ng Morocco si top seed Farzan Ashourzadeh ng Iran sa preliminary round.
Ngunit sa second round ay napatalsik si Hajjami.
- Latest
