MANILA, Philippines — Handa naman ang PBA na tumugon sa pangangailangan ng SBP.
Nagkaabang lamang ang liga sa magiging aksyon ng asosasyon dahil katuwang ang PBA sa pagbuo ng malakas na koponan sa iba’t ibang international tournaments.
Kaya naman inaasahang magpapatawag ng panibagong board meeting si PBA commissioner Willie Marcial upang makausap ang mga teams.
Magiging malaking balakid lamang ang schedule ng PBA Season 46 na nakatakdang simulan sa Abril dahil posibleng tamaan ang Olympic qualifiers.
Gayunpaman, handa ang PBA na tulungan ang SBP para makabuo ng solidong Gilas Pilipinas sa qualifying tournament.
Makakalaban ng Pilipinas sa Group A ang host Serbia at Dominican Republic na parehong magpaparada ng malakas na koponan.