MVPSF nagbigay ng P1.5 milyon kay Diaz
Para sa puntiryang Olympic berth
MANILA, Philippines — Alam ni businessman/sportsman Manny V. Pangilinan ang pangangailangan ng mga top national athletes ng Pilipinas.
Binigyan ng Manny V. Pangilinan Sports Foundation (MVPSF) ng pondong P1.5 milyon si Pinay weightlifter Hidilyn Diaz para sa kanyang pagtarget sa Olympic ticket.
“Thank you MVPSF sa lahat ng tulong na binigay ninyo sa akin at sa Team HD during this pandemic,” wika ni Diaz, ang 2016 Rio de Janiero silver medalist na kasalukuyang nagsasanay sa Kuala Lumpur, Malaysia.
“Malaking bagay para sa akin na nandiyan pa rin si MVP at tumutulong sa journey ko towards Tokyo 2020+1. I can’t survive this journey without God, Team HD, the help of MVPSF, and the support of Filipinos,” dagdag pa ng tubong Zamboanga City.
Binuhat ni Diaz ang gold medal sa Eleiko Email International Lifters tournament na ginawa via online noong Hulyo 25 na bahagi ng kanyang preparasyon para sa 2021 Olympics na idaraos sa Tokyo, Japan.
Iniurong ang 2021 Tokyo Games dahil sa coronavirus disease (COVID-19) pandemic.
“Our chairman Manny V. Pangilinan deeply cares about all of the athletes under the MVPSF banner and we’re doing our best to help take care of their needs during this difficult time,” ani MVPSF president Al S. Panlilio.
Kamakailan ay binigyan ng MVPSF si Tokyo-bound gymnast Carlos Edriel Yulo ng pondong P800,000 para sa kanyang paghahanda sa 2021 Tokyo Olympics.
- Latest
