Jones slam-dunk King; Hield sa 3-point shootout
CHICAGO – Tinalo ni Miami Heat forward Derrick Jones Jr. si Orlando Magic forward Aaron Gordon sa isang epic duel para sa 2020 NBA Slam Dunk Contest dito sa United Center.
Umabante sina Jones Jr. at Gordon sa finals mula sa four-person group na kinabibilangan din nina Milwaukee Bucks swingman Pat Connaughton at Los Angeles Lakers center Dwight Howard.
Sa finals ay nagpasikatan sina Jones Jr. at Gordon para makuha ang perfect 50-score dunks patungo sa kanilang two-slam dunk-off para desisyunan ang hari.
Kapwa tumanggap sina Jones Jr. at Gordon ng 50s para simulan ang round, ngunit inungusan ng Heat forward si Gordon, 48-47, sa kanilang final slams para angkinin ang titulo.
Lumipad si Jones sa loob ng foul line para sa kanyang windmill jam gamit ang kaliwang kamay para makuha ang 48 points mula sa panel ng limang judges.
Matapos makipag-usap si Gordon kay Hall of Famer Shaquille O’Neal ay dinala niya si 7-foot-5 Boston Celtics rookie Tacko Fall malapit sa basket.
Kinuha niya ang bola mula kay Fall para sa kanyang dunk.
Ngunit 47 points lamang ang ibinigay sa kanya ng mga judges.
“Tallest dude in the gym,” protesta ni Gordon. “Jumping over somebody 7-5 and dunking it, it’s no easy feat. What’d I get, a 47? Come on, man. What are we doing?”
Nauna nang natalo si Gordon kay Zach LaVine ng Bulls noong 2016 edition.
Samantala, humataw si Sacramento Kings guard Buddy Hield sa dulo para angkinin ang korona ng NBA 3-Point Contest.
Nagsalpak si Hield ng isang two-point money ball mula sa corner para tumapos na may 27 points at ungusan si Phoenix Suns All-Star Devin Booker na may 26 points sa final round.
Si Hield ang isa sa mga kumakamada para sa Sacramento sa likod ng kanyang average na 20.4 points tampok ang 39 percent shooting sa 3-point range.
Sinibak naman ni Bookler si Davis Bertans ng Washington Wizards sa second at final round para itakda ang kanilang finals duel ni Hield.
Sa All-Star Skills Challenge, inangkin naman ni Miami Heat big man Bam Abedayo ang korona matapos talunin si Domantas Sabonis ng Indiana Pacers sa finals.
- Latest
