Foton Tornadoes ibinagsak ang Lady Realtors
Laro Bukas(The Arena, San Juan City)
2 p.m. F2 vs Sta. Lucia
4:15 .p.m Petron vs Cignal
7 p.m. PLDT vs Foton
MANILA, Philippines — Itinarak ng two-time champion Foton ang 18-25, 21-25, 25-18, 25-15, 15-4 come-from-behind win laban sa Sta. Lucia para mapatatag ang kapit sa No. 4 spot sa 2019 Philippine Superliga All-Filipino Conference kahapon sa Bacoor Strike Gym sa Cavite.
Nagsanib-puwersa ang magkapatid na sina national mainstays Jaja Santiago at Dindin Santiago-Manabat para makuha ng Tornadoes ang ikalimang panalo sa pagsisimula ng second round.
Magandang hugot din si University of the Philippines standout Marian Buitre na gumawa ng mga krusyal na puntos para punan ang masamang inilaro ni starting outside hitter Elaine Kasilag.
“I think nakapag-adjust naman kami. We had a slow start pero we just stick to the plan yung mga sinabi ng coaches namin before the game, we go back to the basics at yun nagtuluy-tuloy na rin,” wika ni Buitre.
Kumana si Buitre ng walong attacks, limang aces at dalawang blocks para tulungan ang Tornadoes.
Patuloy namang inaalat ang Lady Realtors na lumasap ng ikapitong sunod na kabiguan matapos ang kanilang opening-game victory laban sa Marinerang Pilipina.
- Latest