Tamaraws asam ang playoff seat
MANILA, Philippines — Target ng Far Eastern University na masungkit ang playoffs spot laban sa Centro Escolar University sa 2019 PBA D-League sa JCSGO sa Cubao, Quezon City.
Magtatagpo ang Tamaraws at Scorpions ngayong alas-12 ng tanghali sa Foundation Group.
Hawak ng FEU ang 5-3 baraha kung saan ‘must-win’ sila laban sa CEU na kasalukuyang nangunguna sa grupo tangan ang 7-1 kartada.
Kung matatalo ang Tamaraws ay awtomatiko silang mapapatalsik sa kontensyon at mabibiyayaan ng silya sa playoffs ang Marinerong Pilipino.
Gusto ni FEU head coach Olsen Racela na masundan ang kanilang 88-81 panalo laban sa Diliman College-Gerry’s Grill.
“We treated it like a knockout match. This time, it’s really a knockout game,” pahayag ni Racela.
- Latest