50-pts. si Harden
Rockets pinasabog ang tropa ni Lebron
HOUSTON -- Abante ang Rockets laban sa bisitang Los Angeles Lakers sa fourth quarter nang hilingin ni James Harden kay coach Mike D’Antoni na makapagpahinga.
Pinagbigyan ni D’Antoni ang reigning MVP at ibinalik sa huling limang minuto at umiskor ng 11 points para tulungan ang Rockets na talunin ang Lakers ni LeBron James, 126-111.
Tumapos si James na may 50 points, 10 rebounds at 11 assists para sa kanyang ikalawang triple-double ngayong season at pang-37 sa career niya.
Nagtala naman si James ng 29 points para sa Los Angeles, nagmula sa two-game winning run.
Sa San Antonio, humakot si center LaMarcus Aldridge ng 27 points para igiya ang Spurs sa ikaapat na sunod na panalo sa pamamagitan ng 125-87 paggupo sa Los Angeles Clippers.
Ito ang pinakamalaking winning margin ng Spurs ngayong season.
Nagdagdag si Rudy Gay ng 21 points habang naglista si DeMar DeRozan ng 14 points at 7 assists para sa San Antonio, nilimitahan ang kalaban ng hindi aabot sa 100 points sa pangatlong dikit na laro at naipanalo ang unang apat sa kanilang six-game homestand.
Sa Mexico City, humataw si Nikola Vucevic ng 26 points, tampok ang kanyang tiebreaking jumper sa huling 28 segundo ng fourth period para pangunahan ang Orlando Magic sa 97-91 pananaig laban sa Chicago Bulls sa una sa dalawang laro sa Mexico.
- Latest