GAB ‘di muna magpapataw ng parusa
MANILA, Philippines — Hindi muna maggagawad ng parusa ang Games and Amusement Board (GAB) kaugnay sa isyu ni NLEX rookie at Gilas Pilipinas guard Kiefer Ravena.
Sinabi kahapon ni GAB chairman Abraham Mitra na kailangan munang dumaan sa proseso ang lahat bago sila gumawa ng aksyon sa pagiging positibo ni Ravena sa paggamit ng ‘performance-enhancing drugs’ (PEDs).
“There has to be due process,” wika ni Mitra sa pagbagsak ng 24-anyos na si Ravena sa isang random drug test na isinagawa ng FIBA matapos ang laro ng Gilas Pilipinas at Japan.
Positibo rin ang naging resulta sa hiniling na ikalawang drug test ng Samahang Basketball ng Pilipinas sa FIBA para kay Ravena.
Posibleng humarap si Ravena sa suspensyon sa PBA at GAB.
“But not immediately a revocation of his license. We have to study the situation as we await copies of the test and its results,” paglilinaw naman ni Mitra.
- Latest
