Alejandro humataw sa Go For Gold
MANILA, Philippines — Umarangkada si J-Jay Alejandro para iangat ang Go For Gold sa 81-69 panalo laban sa University of Perpetual Help kahapon sa pagpapatuloy ng 2018 PBA D-League Aspirant’s Cup sa JCSGO gym sa Cubao, Quezon City.
Umani si Alejandro ng 23 puntos kabilang na ang limang triples, limang rebounds at apat na assists para putulin na ang two-game losing skid at makisosyo sa three-way tie mula pang-pito hanggang sa pang-siyam na puwesto kasama ang Wangs-Letran at Che’Lu Bar sa parehong 2-2 win-loss kartada.
Bukod kay Alejandro, umani rin ng 14 puntos at walong rebounds si Clement Leutcheu habang 11 puntos, limang rebounds at tatlong assists mula sa beteranong si Jerwin Gaco.
Tumulong din ng 11 puntos na may kasamang siyam na rebounds at apat na assists, ang huli ay nagbigay daan sa lay-up ni Alejandro para sa final score ng Scratchers.
Mula sa dikitan sa unang tatlong yugto, sinimulan ni Alejandro ang pagratsada para iposte ang 76-64 kalamangan mahigit 4:32 ang natitira sa fourth quarter.
“Hopefully ito na yung stepping stone namin all throughout the tournament,” sabi ni Alejandro.
Bunga ng kabiguan, nahulog ang Altas sa 1-2 card.
- Latest