Warriors yumuko sa Grizzlies; Cavs gumulong din sa Magic

MEMPHIS, Tennessee - Hindi lamang natalo ang Golden State Warriors sa Grizzlies, hindi rin nila nakontrol ang kanilang sarili sa huling minuto ng laro.

Parehong napatalsik sa laro sina Stephen Curry at Kevin Durant sa natitirang 43 segundo ng fourth quarter sa 111-101 panalo ng Grizzlies laban sa Warriors.

“My pockets will be a lot lighter for sure,” sabi ni Curry sa kanyang ejection matapos ibato ang kanyang mouthpiece mula sa inaakala niyang foul. Gumawa naman si Durant ng obscene gesture sa Memphis crowd.

Humakot si Marc Gasol ng 34 points at 14 rebounds para sa Memphis na nagtayo ng 19-point third-quarter lead laban sa Golden State patungo sa kanilang panalo.

Nagdagdag si James Ennis III ng 13 points at may 12 markers si Tyreke Evans para sa Grizzlies.

Pinamunuan naman ni Curry ang Warriors, tumipa ng 12-of-38 shooting sa 3-point range, mula sa kanyang 37 points habang nagtala si Durant ng 29 markers at 13 rebounds.

Nagsalpak si Curry ng isang layup sa huling 43 segundo para ilapit ang Golden State sa Memphis, 99-107.

Inakala ni Curry na na-foul siya ngunit hindi tinawagan ng mga refe­rees. Dahil sa pagkainis ay ibinato ni Curry ang kanyang mouthpiece sa baseline na nagresulta sa kanyang ejection, ang una niya sa isang regular season game.

 Sa iba pang laro,  Umiskor si Nikola Vucevic ng 23-puntos nang pigilan ng Orlando Magic ang kanilang 17-game losing skid sa pamamagitan ng 114-93 panalo sa  defen­ding Eastern Conference champion na Cavaliers sa Cleveland.

Pinataob ng Utah Jazz ang Oklahoma City, 96-87 sa likod ng 16 puntos at 13 rebounds ni Rudy Gobert.