Solidong depensa ilalatag ni Green kay Irving
OAKLAND - Bagama’t humanga si Draymond Green sa outside shooting ng Cleveland Cavaliers sa Game Four, partikular na kay Kyrie Irving, kumpiyansa pa rin ang Golden State Warriors star forward na hindi na ito mauulit ng titleholders sa Game Five.
“Kyrie hit like the toughest three I’ve seen all year. It happens. It is what it is,” wika ni Green.
Nagsalpak si Irving ng pitong three-point shots, habang may anim at limang triples sina Kevin Love at JR Smith, ayon sa pagkakasunod, mula sa kabuuang 24 ng Cavaliers para wakasan ang 15-game winning streak ng Warriors sa postseason.
“I can’t foresee them coming to Oracle and hitting 24 3s,” sabi pa ni Green.
Determiando si Green na tatagan ang kanyang depensa para maiwasan ang isa na namang three-point barrage ng Cleveland sa Oracle Arena.
Sa Game One ay nagtala ang Cavaliers ng 11 for 31 at naglista ng 8 of 29 attempts sa Game Two.
Sa kanilang regular season game sa Oakland noong Enero ay nagtala ang Cleveland ng 9 for 34 sa kanilang kabiguan sa Golden State.
“They made some tough ones and they also just caught some, caught them in rhythm and knocked them down,” ani Warriors forward Kevin Durant.
- Latest