Cavaliers-Warriors III
BOSTON-- Humataw si LeBron James ng 35 points at inungusan si Michael Jordan para maging NBA all-time playoff scoring leader sa paghatid niya sa Cleveland Cavaliers sa 135-102 paglampaso sa Celtics sa Game 4.
Tuluyan nang inangkin ng Cavaliers ang kanilang ikatlong sunod na Eastern Conference title patungo sa NBA Finals para labanan ang karibal na Golden State Warriors.
Nagdagdag si Kyrie Irving ng 24 points, habang may 16 markers si Kevin Love para sa Cleveland na nagtayo ng 39-point lead laban sa Boston.
Ang 4-1 panalo ng Cavaliers sa serye nila ng Celtics ang nagbigay sa kanila ng 12-1 record sa postseason.
Lalabanan ng Cleveland ang Golden State, naghari sa Western Conference Division, sa pangatlong dikit na NBA FInals.
“I wear the number because of Mike,” sabi ni James. “I think I fell in love with the game because of Mike, just because of what he was able to accomplish. When you’re watching Michael Jordan it’s almost like a god. So I didn’t think I could be Mike.”
Ito ang pang-pitong sunod na NBA Finals appearance ni James, nagsalpak ng 3-pointer sa dulo ng third quarter para lampasan si Jordan sa playoff scoring list.
Sa postgame trophy presentation, hinayaan ni James na magdiwang ang kanyang mga teammates.
“The biggest thing is I did it just being me, I don’t have to score the ball to make an impact on the basketball game,” wika ni James.
“That was my mindset. If I’m not scoring the ball, how can I still make an impact on the game?” dagdag pa ni James.
Bukod kay James, dapat ding purihin si Irving sa serye matapos umiskor ng 42 points sa Game 4.
“He’s been the driving force, this entire playoff run, and all of us have just helped us along the way,” wika ni Irving.
Binanderahan naman ni Avery Bradley ang Boston mula sa kanyang 23 points.
- Latest
