Pinoy tankers handa nang lumangoy ngayon
NAY PYI TAW -- Babanderahan nina London Olympic bidders Jasmine Alkhaldi at Jessie Khing Lacuna ang kampanya ng isang four-man Philippine swimming team simula ngayon sa 27th Southeast Asian Games.
Ang koponan na sasali lamang sa 15 sa kabuuang 32 events na idaraos sa Wunna Theikdi swimming pool.
Ang bagitong si Matt Louis Navata ang unang maÂkikita sa aksyon sa men’s 400m individual medley kasunod si Alkhaldi sa women’s 100m freestyle.
Sa Biyernes ay lalangoy naman sa aksyon si Lacuna sa men’s 100m freestyle at lalahok si Joshua Hall sa men’s 100m breaststroke.
“We are fielding a small delegation that is capable of pulling off a surprise,†sabi ni swimming coach Pinky Brosas sa National team na walang naiuwing gold medal sa nakaraang edisyon ng biennial meet sa Palembang, Indonesia.
Sinabi ni Brosas na si Navata ang pinakamahihirapan sa koponan sa pagsali nito sa 400m individual medley na lalanguyan din ng 17-anyos na si Quah Zheng Wen, kumuha ng gold medal sa nasabing event noong 2011.
Si Navata ay kumampanya para sa South Carolina Gamecocks sa US NCAA Division I at handa sa anumang hamon.
- Latest
