^

PSN Palaro

Good for last?

AMBETHABOL - Beth Repizo Meraña - Pilipino Star Ngayon

Kung pagbabatayan ang mga ipinararamdam ng Philippine Olympic Committee (POC) at Philippine Sports Commission (PSC), kinakailangan ng mga at­le­tang Pilipino ng napakahusay at extraordinary na per­formance para matakasan ang napipintong pagbag­sak sa huling puwesto sa Myanmar SEA Games.

Hindi naman sa nagpapaka “doomsayer” o negative ang inyong lingkod pero kung pagbabasehan ang lis­tahan na inihatag ng mga National Sports Association (NSAs), hindi ito sapat upang iangat ang Pilipinas sa 27th Southeast Asian Games sa Myanmar sa Dis­­yem­bre.

 Bagama’t mahirap na tanggapin na sa ikapitong pu­westo lalagpak lamang Pilipinas, ito ay tila nakatadha­na na. 

Nariyan ang bagay na hindi full team ang ipada­da­la sa SEA Games kung hindi  limitado lamang.  At ba­gama’t  ang criteria ay gold medalists sa nakaraang SEA Games noong 2011, hindi pa rin ito sapat upang  ia­ngat ang kampanya ng bansa.

 Maging si PSC Chairman Richia Garcia ay nagsabing “We’ll most likely end up No. 7 in the SEA Games. But to be able to overcome that, we have to perform exceptionally well in all sports that we will compete in.”

Pang-anim ang Pilipinas noong 2011 SEA Games sa Indonesia. Sa Burma ang ikapitong puwesto noon.

 Pero sa SEA  Games ngayong taon, may 40 events ang tinanggal ng host Myanmar upang mapalaki ang ka­nilang tsansa na manalo sa SEA Games.

 Ang top five overall placing ay inaasahan na na­ting pag­lalabanan ng Thailand, Vietnam, Indonesia, Ma­lay­sia at Singapore.

 Ang Pilipinas ay kumuha ng 36 gold, 56 silver at  77 bronze medals noong 2011. Upang mapanatili ng Pilipinas ang ikaanim na puwesto  kinakailangang ma­higitan ng ating mga atleta ang medal tally na ito.

 Bukod  kasi sa14 gold medals na natanggal, marami ring mga events ang hindi masasalihan ng Pilipinas na la­laban lamang sa 28 sports.

Ganoon pa man, hindi pa rin ibig sabihin ay titigil na ta­yo sa paglaban. 

Siyempre fight ‘till the end.

ANG PILIPINAS

CHAIRMAN RICHIA GARCIA

GAMES

MYANMAR

NATIONAL SPORTS ASSOCIATION

PILIPINAS

SHY

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with