A little late butstill proper
Huli man daw at magaling, tumpak pa rin. Medyo late ang decision ni PNP Chief Oscar Albayalde na ibakante na ang kanyang puwesto kahit magreretiro na siya sa papasok na buwan ng Nobyembre.
Gayunman, tama pa rin ang kanyang ginawa upang sagipin ang imahe ng Philippine National Police sa matinding kahihiyan at pagkawala ng tiwala ng taumbayan sa ahensyang ito.
Hindi na kailangang idetalye pa ang pangyayari tungkol sa ilang kagawad ng PNP na nadawit sa recycling ng mga nakukumpiskang shabu at pati ang pangalan ni Albayalde ay nasangkot dito. Alam na iyan ng halos lahat ng mamamayan.
Parang nakabakasyon lang si Albayalde dahil kusa niyang isinailalim ang sarili sa non-duty status. Kasi nga naman, kung tuluyan siyang magreretiro-resign ay mawawala ang lahat ng kanyang benepisyo sa pagreretiro. Marami pa rin ang napapataas ang kilay dito. Sabi nang ilan, hindi na dapat tumanggap ng retirement benefit si Albayalde sa pagkakasangkot niya sa anomalya.
Sa ganang akin, bago husgahan si Albayalde ay pabayaan siyang sumailalim sa karampatang paglilitis upang mapatunayan ang kanyang kasalanan. Kahit maibigay pa ang kanyang retirement benefit, kung mahahatulan siyang nagkasala, puwede namang bawiin ang mga naturang benepisyo kahit ito ay naibigay na sa kanya.
Nagkakaisa ang mga Senador na kahit wala na sa active duty, isasampa pa rin ang kaukulang kaso laban kay Albayalde na ang pinakamababa ay kapabayaan sa tungkulin at ang pinakamabigat ay direktang pagkakasangkot sa anomalya na may parusang habambuhay na pagkabilanggo.
At talagang dapat sampahan ng kaso si Albayalde dahil sa mabibigat na paratang sa kanya. Ang hukuman na lang ang bahalang magdesisyon, base sa mga ebidensya kung siya’y tunay na nagkasala o inosente. At kung totoong inosente si Albayalde, naniniwala akong madali niyang maidedepensa ang sarili sa hukuman.
No one should be above the law. Kung ang mga karaniwang mamamayan ay humaharap sa hukuman kapag may kaso laban sa kanila, dapat ding sumailalim sa ganyang proseso si Albayalde o kahit sinong may dapat panagutan sa hustisya. Kahit pa Pangulo ng bansa ay dapat humarap sa asunto kung tapos na ang umiral na immunity from suit sa kanila, kaakibat ng kanilang hawak na posisyon.
siya’y tunay na nagkasala o inosente. At kung totoong inosente si Albayalde, naniniwala akong madali niyang maidedepensa ang sarili sa hukuman.
No one should be above the law. Kung ang mga karaniwang mamamayan ay humaharap sa hukuman kapag may kaso laban sa kanila, dapat ding sumailalim sa ganyang proseso si Albayalde o kahit sinong may dapat panagutan sa hustisya. Kahit pa Pangulo ng bansa ay dapat humarap sa asunto kung tapos na ang umiral na immunity from suit sa kanila, kaakibat ng kanilang hawak na posisyon.
- Latest