Antonov

NAGING usap-usapan dito sa Davao City ang pagda-ting ng isang Antonov Russian cargo plane noong Miyerkules ng gabi sa Davao International Airport.

Ang nasabing Antonov aircraft ay may dalang tatlong Bell 214 choppers.

At ayon sa United States press attache na si Molly Koscina na ang mga helicopters ay para sa Armed Forces of the Philippines na gagamitin sa evacuation purposes.

Dapat nga raw ay sa Zamboanga City bababa ang helicopters ngunit walang capacity ang Zamboanga International Airport para sa isang Antonov.

Kaya na-divert dito sa Davao International Airport ang nasabing kargamento. 

Ang nasabing mga helicopter ay gagamitin ng AFP sa panahon ng kalamidad at kung anu-ano pang crisis situation.

Nararapat ang helicopters sa evacuation purpo­ses. 

Nangangailangan ang Mindanao at maging ang ibang bahagi ng Pilipinas ng nasabing support system gaya ng mga evacuation choppers lalo na sa mga nangyayaring disasters nitong mga nakaraang araw.