Tatlo ang malaking problema ng bansa
na dapat lutasin ng tatlong dakila;
ang dakilang tao ay makikilala
sa result ng ating bagong pulitika!
Ngayo’y humaharap sa mga botante
kung sino ang ating magiging kaparte;
sa paglutas ng problemang malaki
siya kaya’y dapat na ating bayani?
Ang mga problemang hindi nalulutas
kung isa-isahin halos tatlo sa malas
ang una ay masamang mga taong hudas
na mismong pamilya unang inuutas!
Pangalawang problema ay ang kabuhayan
na ngayon ay hawak ng mga dayuhan;
kayamanan natin sila ang may tangan
kaya ang mahirap lalong nahihirapan!
Sa pangalawang ito kabuhayan natin
pinagsasawaan ng budhing maitim;
natutuwa silang tayo ay alipin
kapital ng bansa hawak ng masakim!
Problemang panghuli ay graft and corruption
na ang may kasalanan pulitikang gunggong;
sa mga padulas, lagayan at suhol
agad tinatanggap sa sariling bukol!
Kaya sa halalang di na magtatagal
tayo ay pumili ng isang banal;
banal sa sarili at tapat sa bayan
siya na ang taong ating hinihintay!
Dumating nga kaya ang taong dakila
na bagong bayani at ating pag-asa?
Ang pag-asa natin tanging nasa kanya’t
itong ating bansa may bagong umaga!