Higit 500 biyahero stranded sa mga pier
MANILA, Philippines — Mahigit sa 500 mga biyahero at daan-daang mga cargo ang na stranded sa iba’t ibang mga pantalan sa Southern Tagalog, Bicol at Eastern Visayas dahil sa pananalasa ng bagyong Quinta kahapon.
Sa ulat ng Philippine Coast Guard (PCG) dakong alas-12 kahapon ng tanghali, may 577 mga pasahero, truck drivers at cargo helpers ang nananatili sa 26 na mga pantalan. Naantala rin ang pagbiyahe ng 473 rolling cargos, 21 barko at 10 motorbancas.
Bukod dito, may 121 sasakyang pandagat at 51 motorbanca ang kinailangan na ilikas sa pagkaka-angkla sa karagatan at sumilong bilang ‘precautionary measures’ sa banta ng bagyo.
“The PCG Command Center is on 24/7 monitoring to strictly implement guidelines on the movement of vessels during heavy weather. Meanwhile, Coast Guard Districts, Stations, and Sub-Stations across the country are on standby to respond on emergency situations, in coordination with local government units and disaster response teams,” ayon sa PCG.
- Latest