Chinese, nobyang Pinay huli sa sex trafficking
MANILA, Philippines — Bumagsak sa kamay ng pulisya ang isang Chinese at kasintahan niyang Pinay makaraang salakayin ng pulisya ang pag-aari nilang spa na nag-aalok ng ‘sex service’, kahapon ng madaling araw sa Las Piñas City.
Kinilala ang mga dinakip na sina Mysa Dela Cruz, may-ari ng Rodmiles Wellnes Spa at karelasyon niyang si Yuwen Thao. Tatlong babae na itinago ang pagkakakilanlan at nagtatrabaho bilang massage therapist ngunit ibinibenta ng mga suspek ang nasagip ng mga pulis sa sinalakay na spa.
Sa ulat ng Las Piñas City Police, alas-12:30 ng madaling araw nang magsagawa ng operasyon ang mga pulis sa naturang spa na nasa BF Resort Village ng Brgy. Talon Dos. Ito ay makaraan ang ilang linggong surveillance buhat sa ulat ng iligal na operasyon ng naturang spa na ginagawang front ng prostitusyon.
Nakaditine ngayon sa Las Piñas City Police Detention Center ang dalawang suspek na nahaharap sa kasong paglabag sa Anti-Human Trafficking Act sa Prosecutor’s Office.
- Latest
