Rider itinumba
MANILA, Philippines — Patay ang isang rider nang pagbabarilin ng hindi pa nakikilalang gunman, kamakalawa ng gabi sa Taguig City.
Dead-on-arrival sa Cruz Rabe Medical Hospital sanhi ng ilang tama ng bala sa ulo at katawan buhat sa hindi pa batid na kalibre ng baril ang biktimang si Aries Francisco, 32, nakatira sa Block 15, Lot 33, Sumasapit St., Pulong Kendi ng naturang lungsod.
Blanko pa ang pulisya sa pagkakakilanlan ng suspect, gayunman ay nagsasagawa na ng follow-up investigation hinggil sa insidente.
Ayon sa hepe ng Taguig City Police na si Sr. Supt. Alexander Santos, naganap ang insidente dakong alas-8:00 kamakalawa ng gabi, malapit sa bahay ng biktima sa nabanggit na lugar habang minamaneho ng biktima ang kanyang motorsiklo pauwi ng kanilang bahay nang biglang harangin ng suspect na naglalakad lamang.
Nagulat ang biktima at bigla nitong naipreno ang motorsiklo hanggang sa pinutukan na ito ng suspect ng ilang beses bago mabilis na tumakas.
Blangko pa ang pulisya sa motibo sa pagpaslang sa biktima habang isinasagawa pa ang masusing imbestigasyon.
- Latest