P90.4-M gamit binili kontra droga
PDEA nagpalakas ng pwersa
MANILA, Philippines — Nagpalakas ng puwersa ang pamunuan ng Philippine Drug Enforcement Agency (PDEA) laban sa ‘war on drugs’ makaraang bumili ng P90.4-milyong halaga ng iba’t ibang kagamitan.
Ayon kay PDEA Director General Aaron Aquino, kabilang sa kanilang binili ay surveillance communication at protective equipment para lalo pang mapalawak at mapahusay ang kanilang pakikipagdigma laban sa mga drug lord at drug pusher na ayaw pang tumigil sa kanilang operasyon.
“With the persistent threat of illegal drugs in the country, PDEA continues to build up its capabilities, augmenting its operating units and Drug Enforcement Officers with the essential resources to thrive well in the war against drugs,” sabi ni Aquino.
Sinabi ni Aquino, bumili rin sila ng 20 remote controlled na drones at 166 handheld radio na magpapalakas sa intelligence, information-gathering at investigative purposes.
Bumili rin ang PDEA ng 753 tactical helmets, 23 reloading machines, 470 printers at 100 laptop computers na gagamitin sa araw-araw na drug operations.
Ani Aquino, mahalaga sa kanila ang nasabing mga gamit na magsisilbing ‘lifeblood’ ng kanyang mga tauhan sa PDEA.
Ang mga nasabing kagamitan ay nakatak- dang gamitin sa PDEA National Offices at 17 PDEA Regional Offices sa buong bansa.
- Latest
