‘Kulot’ inilibing na, magulang naka bulletproof vest
MANILA, Philippines – Sa kabila ng DNA test na hindi tumugma, inihatid na ng kaniyang pamilya sa huling hantungan ang 14-anyos na si Reynaldo “Kulot” de Guzman ngayong Miyerkules ng umaga sa Pasig City.
Mula sa kanilang tahanan sa katabing bayan ng Cainta, Rizal, dinala muna ang mga labi ni de Guzman sa San Antonio Abad Parish sa Maybunga, Pasig para sa misa.
Pinagsuot naman ng bulletproof vest ang mga magulang ni de Guzman na sina Eduardo at Lina para sa kanilang seguridad. Nasa ilalim ng witness protection program ang mga magulang ng teenager na natagpuang patay at tadtad ng saksak sa Nueva Ecija.
Watch: Kulot's parents being guarded by DOJ's security personnel. @PhilippineStar pic.twitter.com/2nyOEXnCvv
— Robertzon Ramirez (@iambertramirez) September 13, 2017
BASAHIN: DNA test: Bangkay na may halos 30 saksak hindi kay ‘Kulot’ – PNP
Inihimlay ang mga labi ni de Guzman sa Pasig Public Cemetery.
Kulot's remains has arrived at the Pasig Public Cemetery. pic.twitter.com/fVVX70F28A
— The Philippine Star (@PhilippineStar) September 13, 2017
Si alyas Kulot ang nakitang huling kasama ni Carl Arnaiz na napatay ng mga pulis ng Caloocan City matapos umanong mangholdap ng taxi.
Ayon sa forensic analysis ng Pubic Attorney’s Office, pinatay ng walang kalaban-laban sina de Guzman at Arnaiz.
Samantala, nagulantang naman ang pamilya ni de Guzman nang sabihin ng Philippine National Police na ang nakitang bangkay sa Nueva Ecija at pinaglamayan nina Eduardo at Lina ay hindi ang katawan ni Kulot.
Hindi umano nagtugma ang resulta ng DNA test ng biktima sa kaniyang mga magulang.
Sa kabila nito ay itinuloy pa rin ang burol at libing ni de Guzman, habang idineklara namang “missing” pa rin ng PNP si de Guzman.
WATCH: Despite the DNA test results, the parents of Reynaldo believe that the body they're about to bury belongs to their 14-year-old son. pic.twitter.com/btL8bdNdsE
— The Philippine Star (@PhilippineStar) September 13, 2017
- Latest