Re-routing sa Pista ng Nazareno, inilabas ng MMDA
MANILA, Philippines – Naglabas na kahapon ng schedule ng re-routing ang pamunuan ng Metro Manila Development Authority (MMDA) dahil isasara ang ilang kalye sa Maynila kaugnay nang pagdiriwang ng kapistahan ng Itim na Poong Nazareno.
Para sa kaalaman ng mga motorista ang lahat ng behikulong magmumula sa Northern area ng Maynila na dadaan ng Bonifacio Drive Southbound (Manila Hotel and other offices at Port area) ay kakanan ng Roberto S. Oca St.
Ang prusisyon ng Itim na Poong Nazareno ay kakaliwa sa Delgado, kaliwa sa 25th St., kaliwa sa Bonifacio Drive, kakanan sa A. Soriano hanggang Magalla-nes Drive, kanan sa P. Burgos, patungong Lagusnilad hanggang Taft Avenue.
Samantalang ang ibang mga behikulong sa Southbound, ay kakaliwa sa A. Soriano patungong destinasyon.
Ang lahat ng behikulong dadaan naman sa Taft Ave-nue Northbound ay kakanan sa A. Villegas (Arroceros), kakanan sa Quezon bridge patungong destinasyon (Note: Northbound of Quezon Boulevard is open to traffic).
Lahat namang behiku-long galing ng Southern part ng Manila na magtutungo ng Northbound ng Roxas Boulevard mula T.M. Kalaw hanggang P. Burgos at kakanan ng T.M. Kalaw hanggang destinasyon. Kakaliwa sa Andalucia, kanan ng Fugoso, kaliwa ng T. Mapua, hanggang destinasyon.
Sa Nicanor Reyes ay kakanan ang mga behikulo sa C.M. Recto, deretso ng Jose Abad Santos, kaliwa ng Reina Regente, kaliwa ng Juan Luna St., kaliwa ng San Vicente St., dadaan ng Jones Bridge hanggang destinasyon.
Ang lahat namang behikulong galing Divisoria na patungong Recto ay kakanan T. Alonzo, kakanan ng Fugoso, kaliwa ng Oroquieta, kaliwa ng Alvarez St., kaliwa ng Andalucia hanggang destinasyon.
Lahat namang sasakyan galing Legarda kakanan ng at C.M. Recto o kaya kakaliwa ng Mendiola hanggang destinasyon hanggang Nagtahan via A.H. Lacson hanggang Capulong (vice-versa).
Ang lahat naman ng bus galing ng Southern part ng Maynila ay bawal pumasok sa Taft Avenue mula alas-7:00 ng umaga hanggang alas-12:00 ng tanghali at hanggang Pres. Quirino Avenue lamang ang mga ito.
- Latest