Manila government magbibigay ng financial assistance sa mga pamilya ng SAF sa Mamasapano clash

MANILA, Philippines - Magkakaloob ng tulong pinansiyal ang Pamahalaang Lungsod ng Maynila sa mga pamilya ng mga nasawi at nasugatang miyembro ng Philippine National Police-Special Action Force (PNP-SAF) Commandos sa Maguindanao.

Tiniyak ito ni Manila Mayo­r ­­Joseph Estrada sa pagsa­sabing tig-P100 libo ang ib­i­bigay ng lokal na pamahalaan sa kada-pamilya ng mga na­sawing SAF members, habang P50-libo naman sa mga sugatang miyembro ng SAF na kabilang sa napa-engkwentro sa Mamasapano, Maguindanao.

Kukunin umano ang pondo mula sa discre­tionary fund ng tanggapan ni Estrada­.

Kahapon ay kaagad ding naipasa ang City Council Re­solution para sa ipaaabot na tulong pinansyal.

Nakasaad sa resolusyon ang pagkamatay ng 44 SAF members ay hindi lamang naka­apekto sa Min­danao, kundi maging sa mga mamamayan ng Lungsod ng Maynila.

Naniniwala si Estrada, dating Pangulo at Com­mander-in-Chief, na bawat Pilipino ay dapat na mag­bigay-pugay sa mga na­sabing SAF member na isina­kripisyo ang buhay sa pagtupad sa kanilang tungkulin.

Sa susunod na linggo ay sisimulan na umano ang pamamahagi ng tulong-pinan­syal.