MANILA, Philippines - Trak-trak ng basura ang nahakot ng mga tauhan ng MMDA sa mga daang tinatahak ng traslacion kahapon.
Nabatid na nakasunod na sa pinaka-dulo ng traslacion ng Itim na Nazareno ang mga tauhan ng MMDA na naatasang maglinis sa lugar na tatahakin ng prusisyon. Kasunod na nito ang mga trak na humahakot sa basura.
Ayon sa MMDA, karamihan sa mga naiwang kalat ay ang pinagkainang styro, bottled water, mga hinigaang karton at mga tsinelas.
Pagkaalis ng mga deboto sa Quirino Grandstand kaagad naghakot ng basura ang mga street sweeper karamiha’y pinagkainang styro, bottled water, mga hinigaang karton at mga tsinelas.
Bitbit ng mga street sweeper ng MMDA ang walis, dustpan at kariton na nilalagyan nila ng basura at may nakasunod na ring trak ng basura na siyang naghahakot ng mga ito.