Kumupas na Pag-ibig

Dear Dr. Love,

Magtatatlong taon ko nang jowa si Teddy. Ni minsan ay wala kaming pinag-awayan. Nang sagutin ko siya, may kilig akong naramdaman which means na love ko siya.

Third boyfriend ko si Teddy pero napuna ko na sa paglipas ng mga araw ay parang nag-fade out ang feelings ko sa kanya.

Kung tutuusin, I see no reason why ma-fall out of love ako dahil okay ang ugali niya. Masyadong caring siya sa akin.

Ano kaya ang dahilan at nagbago bigla ang pagtingin ko sa kanya?

Nakokonsensya ako na makipag-break for no reason?

Dapat ko bang ituloy ang relasyon naming?

Loretta

Dear Loretta,

Kung ikaw ‘di mo malaman kung bakit nawala ang kilig mo sa kanya, ako pa kaya?

Kung hindi mo na siya mahal, mas mabu-ting sabihin mo sa kanya ang totoo sa halip na magkunwari ka na mahal mo siya.

Tiyak na magdaramdam siya pero ayos lang ang minsanang sakit kaysa naman magkatuluyan kayo at habambuhay kang magkukunwari.

Dr. Love