Solo bettor napalanunan P53.8-M lotto jackpot
MANILA, Philippines — Tinamaan ng nag-iisang lotto bettor ang P53.86 milyong jackpot prize ng Megalotto 6/45 nitong Miyerkules.
Kahapon lang kasi nang ibola ng Philippine Charity Sweepstakes Office (PCSO) sa ang mga sumusunod na winning combination: 11-30-21-04-22-13.
Wala pa naman detalyeng inilalabas ang naturang government-owned and controlled corporation kung saan binili ang winning ticket.
Sa kabila nito, hindi makukuha ng naturang mananaya ang kabuuan ng P53,861,631.60 papremyo dahil sa Tax Reform for Acceleration and Inclusion (TRAIN) Law.
Kinakailangan kasing magbayad ng 20% tax ang mga nananalo ng papremyong lalampas sa P10,000 alinsunod sa TRAIN Law.
Merong isang taon ang mga nananalo para kubrahin ang kanilang napalanunan sa PCSO Main Office sa Shaw Boulevard, Mandaluyong City, ayon sa Republic Act 1169 na tinatawag ring "An Act Providing for Charity Sweepstakes Horse Races and Lotteries."
- Latest
