Duterte-China deal sa West Philippine Sea sisilipin ng Kamara
![Duterte-China deal sa West Philippine Sea sisilipin ng Kamara](https://media.philstar.com/photos/2024/04/16/5_2024-04-16_21-20-16.jpg)
MANILA, Philippines — Iimbestigahan ng Kamara ang ‘gentleman’s agreement” sa pagitan ni dating pangulong Rodrigo Duterte at China sa West Philippine Sea (WPS).
Ayon kay House Majority Leader Jose Dalipe, tugon ito sa kahilingan ni Assistant Majority Leader Jay Khonghun na siyasatin ang katotohanan hinggil sa umano’y kasunduan.
Una nang sinabi ni Khonghun na dapat maisapubliko ang isyung ito upang malaman ng mga Pilipino ang tunay na estado ng nasabing kasunduan na ayon sa mga eksperto ay posibleng ‘act of treason’ sa panig ng dating Pangulo.
“In response to the request of our colleagues led by Assistant Majority Leader Jay Khonghun, the House of Representatives will consider the call to probe the supposed gentleman’s agreement when Congress resumes its regular sessions next week,” ani Dalipe, Chairman ng House Committee on Rules.
“Protecting our national territory and marine resources are of utmost importance,” ani Dalipe na sinang-ayunan ang panawagan ni Khonghun na suriin ang implikasyon ng nasabing agreement hinggil sa karapatan sa soberenya ng Pilipinas.
Nakatakdang magbalik sesyon ang Kongreso sa darating na Abril 29.
- Latest