Pangulong Marcos: Magtipid sa kuryente!
![Pangulong Marcos: Magtipid sa kuryente!](https://media.philstar.com/photos/2024/01/22/4_2024-01-22_21-11-47.jpg)
Utos sa lahat ng government’ agencies
MANILA, Philippines — Ipinag-utos ni Pangulong Ferdinand “Bongbong” Marcos Jr. sa lahat ng ahensiya ng gobyerno na magtipid sa kuryente.
Sa Administrative Order no. 15 na nilagdaan ni Executive Secretary Lucas Bersamin, inaatasan nito ang lahat ng government agencies kabilang na ang government owned and controlled corporations (GOCC) na magdoble kayod sa pagpapatupad ng Government Energy Management Program (GEMP) na nagsusulong ng praktikal na pagkonsumo ng enerhiya.
Kabilang dito ang pagsasagawa ng energy audits at random energy spot checks mula sa certified energy auditors.
Pinagsusumite rin ang mga ahensiya ng pamahalaan ng imbentaryo ng mga kagamitang kumukonsumo ng enerhiya tulad ng mga ilaw sa mga gusali at kalsada, heating, ventilation at airconditioning, insulation at mga sasakyan.
Nais din masiguro ng Pangulo ang pagsunod sa mga panuntunan ng Department of Energy at pag-adopt sa low cost energy efficient measures tulad ng pagpapanatili sa 24 degrees celsius na temperatura ng airconditioned units, pagpatay sa mga hindi ginagamit na ilaw, at pag-activate ng sleep settings sa mga kagamitan sa mga opisina.
- Latest