Police visibility nakatabang sa pagminus sa krimen
CEBU, Philippines — Dako og tabang ang gipalig-on nga police visibility sa Cebu City Police Office (CCPO) aron mamenusan ang krimen sa siyudad sa Sugbo.
Nagkanayon si Police Lieutenant Colonel Janette Rafter, Deputy City Director for Operations sa CCPO nga dunay tulo ka elemento aron mabuhat ang krimen ug kini mao ang opportunities, intent ug instrumentation.
Gipasabot ni Lt. Col. Rafter gumikan sa daghang mga police nga gipakatap sa nagkalain-laing dapit sa dakbayan nakatabang kini aron dili mahatagan og oportunidad ang mga kriminal nga makahimo sa ilang dautang plano.
"Kung wala ka anang isa dili gyud na mahimo ang krimen, naa kay intention, naa kay hinagiban wala manpud kay oportunidad so dako gyud kaayo og tabang ang atong presensiya sa kapolisan because it will eliminate already the one element of crime which kung wala na dili mahimo ang usa ka krimen", sigon ni Lt. Col. Rafter.
Usa sab kini sa nakatampo nga ang Waterfront Police Station 3 pinangulohan ni Police Major Efren Diaz Jr., sulod sa lima ka buwan wala'y natala nga shooting incidents sa iyang area of responsibility. Nunot niini, gihatagan og pasidungog sa CCPO pinangulohan ni Colonel Ireneo Dalogdog ang Police Station 3.
"With regards to station 3 under Police Major Efren Diaz Jr. ang iyahang award given by our City Director was because for the past several months murag taas-taas na gyud nga bulan nga wala gyuy natala nga shooting incident, buyag-buyag lang so far that's why base sa atoang data kanang atong mga station naay unfortunately there are really kanang mga shooting incidents but for him for the past five months wala siya'y shooting incident nga nahitabo", ni Rafter pa.
Ang paghatag og pasidungog sa mga deserving police stations ug personnel gitumong aron mosaka ang ilahang morale. MEL BANAT NEWS
- Latest
