Bisyo bago matulog na nakakaapekto sa sex life
Kapag nasa kama na bago matulog, kung anu-ano pa ang pinagkakaabalahan natin. Ang daming pang kung anu-anong kinakalikot imbes na pagtuunan ng pansin si mister o misis na katabi sa kama.
Normal na lang sa atin ang mga karaniwan nating seremonyas kapag nasa kama ngunit ang hindi natin alam, ay unti-unti nitong sinisira ang ating relasyon at sex life.
Narito ang mga bisyo ayon sa artikulong lumabas sa insider.com na nakakasira sa ating sex life.
Nauna na nating natalakay ang tungkol sa paggamit ng gadgets.
Panonood ng TV - Lahat tayo ay mahilig manood. ‘Di maiiwasang mapababad sa TV lalo na kung may sinusubaybayang teleserye o kaya ay may magandang pelikulang palabas.
At hindi rin maiiwasang makakatulugan ang panonood ng TV.
‘Yan ang problema kapag may TV sa inyong bedroom. Pati ang oras sana para sa iyong partner ay mapupunta na lamang sa panonood ng TV.
Ayon kay Megan Fleming, Ph.D, ang mga couples na walang TV sa loob ng bedroom ay mga maiinit ang sex life kumpara sa mga magjowang babad sa TV.
May oras sa panonood ng TV, may oras din para sa iyong mahal.
Kaya baka may balak kayong alisin ang TV sa inyong bedroom?
- Latest