Mapalad na estudyante ng mga OFW
Naiiwan ang mga anak ng mga overseas Filipino workers sa bansa na ang reklamo ay kulang sa oras, atensyon, at pagmamahal ng kanilang magulang.
Sa ibang tao ang tining nila rito at blessing in disguise dahil sa pagpapadala ng cash remittance nina nanay at tatay ay nabibigyan ang mga anak ng pribilehiyo na ipagpatuloy ang kanilang pag-aaral.
Ngayong pasukan ang mga anak ng OFW ay may bagong sapatos at uniporme, kumpleto ang gamit, afford na makapag-aral sa private schools na naka-air condition ang classrooms, at nakakakain sa mga mamahaling restaurant.
Hindi alam ng mga estudyante ng OFW na ang kanilang tatay at nanay ay nagtitipid sa pagkain at budget, nahihirapan matulog, at panay ang overtime o cancelled day off para lang may maipadalang pangpaaral ng kanilang mga anak.
Hiling lang ng mga magulang na OFW na hindi sayangin ng kanilang mga anak ang sarkipisyo at pagkakataon na tinatamasa ng mga bata. Dahil walang ibang hangarin ang magulang na titiis ang lahat makapagtapos lang ang mga anak sa kanilang pag-aaral.
- Latest
