Anak Gustong Tiisin si Nanay

Dear Vanezza,

Kahit magkano pa ang ibinibigay naming magkakapatid na pera kay nanay ay lagi pa rin siyang baon sa utang at walang pera dahil sa kalalaro ng binggo. Kahit may maliit siyang tindahan sa bahay. Panay ang hingi ng pera kahit kakapadala lamang ng mga utol ko mula sa ibang bansa. Puwede bang tiisin si nanay para matuto siyang humawak ng pera?

Neng

Dear Neng,

Tulungan si nanay na mag-budget ng pera at alamin kung saan napupunta ang kanyang kaperahan. Kung titiisin si nanay ay baka magtampo at sa iba naman mangutang. Yayain din si nanay sa ibang paglilibangan kaysa malulong siya sa paglalaro ng bingo.

Sumasainyo,

Vanezza