Lucky D-zi Beads
(Last of 2 parts)
10 eyes—Ito ang mainam na gamitin o isuot kung ang pakiramdam mo’y minamalas ang iyong buhay nang matagal na panahon. Nakatutulong ito upang ang kamalasan ay mapalitan ng suwerte. Mas mararamdaman ang epekto kung sasamahan ng blue lapis lazuli at aventurine.
11 eyes—Inaakay ang magsusuot para gumawa ng kabutihan sa kapwa. Para bang sa ayaw o sa gusto ng tao ay nagbubukas ang tadhana sa kanya ng pagkakataong makagawa ng pagkakawanggawa. Magtataka na lang siya kung bakit nagkaroon siya ng ganoong positive attitude. Mas mabuting samahan ng pearl at carnelian ang 11 eyes D-zi para sa mas matinding epekto. Siyempre, ano pa ba ang good karma ng good deeds, e, ‘di sandamakmak na suwerte, ano?
15 eyes—Mararamdaman na lang ng magsusuot ng 15 eyes D-zi na inuulan siya ng magagandang oportunidad. Tila ba ang lahat ng suwerteng dumadaloy sa kanyang buhay ay kaydali niyang nakakamit dahil walang nangyayaring hadlang. At hindi lang ‘yan, pangmatagalang suwerte ang idinudulot ng 15 eyes D-zi beads. Ito ay hindi namimili ng gemstone na kakasamahin. Okey lang kahit anong gemstone ang ihalo.
21 eyes—Maganda itong isuot ng mga taong naghahangad ng mataas na posisyon sa isang kompanya (executive position); sa military (mga pangheneral na posisyon); president ng unibersidad, at marami pang iba. Ngunit kapakipakinabang din ang 21 eyes D-zi sa mga may wishes na gusto niyang matupad. Basta lang daw isipin mo ang iyong kahilingan araw-araw at walang duda na matutupad ito. Mas mahusay kung sasamahan ito ng smoky quartz at tiger eye.
- Latest
