Sikat na Hunter Nadaganan ng Elepante

Pinangunahan ni Theunis Botha, 51, ang pag-hunting sa Gwai, Zimbabwe, nang makasalubong nila ang isang grupo ng mga elepante kabilang na ang isang buntis.

Tatlong elepante ang agad na nag-panic papunta sa mga hunter kaya nagpaputok si Botha ng rifle, na siya namang dahilan ng pagiging agresibo ng isa pang elepante kaya binuhat siya nito gamit ang kanyang trunk.

Sa kagustuhan na matulungan siya ng kanyang mga kagrupo, nagpaputok din ang kaibigan ni Botha. Agad na bumagsak ang elepanteng may hawak sa hunter at nadaganan nga si Botha na siya na nitong ikinamatay.

Lima ang naiwang anak ng sikat na hunter sa asawang si Carike.

Ayon pa sa mga balita, palagi rin nangunguna si Botha sa hunting ng mga leon at leopard.

Palaging bumibiyahe itong si Botha sa Amerika para humanap ng mayayamang customer na bibili ng kanyang mga na-hunting.