Bigas, oat, at patatas pampalapot ng sabaw

Burp Tips

Isang buwan matapos ang Kapaskuhan ay puspusan naman ang pagpapapayat ng iba dahil nga tumodo ang  lamon noong Holiday season. Ang isa sa mga paboritong kainin ng nagpapapayat ay vegetable soup dahil nga sa gawa ito sa gulay at mataas ang fiber content. Pero paano kung sawa ka na sa clear soup dahil sa texture nito at gusto mo naman ng creamy soup? Eh ‘di sira na naman ang diet dahil sa cream! May sikreto kaming ibabahagi para sa isang creamy soup na hindi ginagamitan ng unhealthy extenders o cream. Kadalasan kasing pampalapot ng mga sabaw ay ang roux na gawa sa pinaghalong taba at harina.

Ang tanging sikreto lamang dito ay tamang dami ng gulay sa stock (sabaw/tubig), starchy add-in, at blender. Tandaan lamang na sa bawat 5 tasa ng stock ay dapat mayroong 2 lbs. ng gulay o tamang dami lang ng stock para ma-cover ang mga gulay sa kaldero.
Habang pinakukuluan din ang gulay ay maghalo ng bigas, oats, o patatas na may natural starch na pampalapot. Salain lang ang mga ito para sa creamy soup. Burp!

Para sa mga suhestiyon tungkol sa pagkain at pagluluto, maaaring mag-email sa [email protected]