Dear Vanezza,
Mayroon akong gf na pure Chinese pero naturalized Filipino ang mga magulang niya. Mayaman ang kanilang pamilya. Ang pamilya ko naman ay may business. Nang malaman ng kanyang magulang ang aming relasyon, pinagalitan siya at pinagbawalang makipagkita sa akin. Ipinatawag ako ng mga magulang niya at pinagsabihan na sa kanilang kultura, hindi puwedeng mag-asawa ng hindi Chinese ang kanilang anak. Kahit sinabi ko na well-to-do naman ang pamilya ko ayaw pa rin nila. Sabi nila na nakatakda ng ikasal ang kanilang anak sa isang Chinese businessman. Umiiyak ang gf ko nang maghiwalay kami. Nagkakasya na lang kami sa palitan ng text. Kapag pumapasok siya sa school ay hatid-sundo at wala na kaming chance na magkita pa. Dapat pa ba naming ituloy ang aming relasyon? - Cyan
Dear Cyan,
Kung handa ninyong ipaglaban ang inyong relasyon, go ahead basta’t hindi manganganib ang inyong kaligtasan. Siguro, puwedeng gumawa ng last ditch effort ang gf mo. Kausapin niya ang kanyang mga magulang at kumbinsihin sa inyong pag-iibigan. Ganyan yata ang kulturang Chinese pero marami rin namang hindi na sumusunod sa ganyang kalakaran. Kaya nga mayroon nang mga mestisong Filipino-Chinese. Sana’y magtagumpay ang pag-iibigan ninyo ng iyong gf sa dakong huli
Sumasaiyo,
Vanezza