Herlene, ‘di kayang umayaw sa mga raket!

Rumampa si Herlene Budol sa mediacon ng Magandang Dilag noong Sabado ng tanghali. Sobra ang pasasalamat ni Herlene sa GMA at mabigyan siya ng pagkakataon na maging bida sa isang teleserye na mga bigatin ang mga tulad nina Chanda Romero at Sandy Andolong.

Pero tulad sa lumabas na, pinabulaanan niya na siya ang cause of delay sa kanilang taping bagama’t aminado siya na hindi niya natanggihan ang mga ibang raket na aniya ay makakatulong sa mga pangarap niyang iahon sa kahirapan ang kanyang pamilya na unti-unti naang natutupad.

Hindi rin siya nagrereklamo sa mga hirap sa taping.

Basta raw kinakabisa niya ang mga linya niya.

Ilan din sa mga kasama niya sa Magandang Dilag ay sina Benjamin Alves, Rob Gomez, Maxine Medina, Bianca Manalo, Adrian Alandy, Al Tantay, Prince Clemente at iba pa.

June 26 ang pilot airing nito sa GMA after Abot Kamay Na Pangarap.

Rob, magiging partner si Jane

Masuwerte si Rob Gomez, na pamangkin ni Gary Estrada.

Kahit hindi siya taga-Sparkle ay nabigyan siya magandang role sa Magandang Dilag.

Si Rob ay nasa pangangalaga ni Dondon Monteverde kaya magagandang movie projects at TV series ang ginagawa niya sa Regal Entertainment.

At ngayon ay sisimulan nila ni Jane de Leon ang isang episode ng Shake Rattle And Roll na intended sa upcoming Metro Manila Film Festival.

Ito ang unang pagkakataon na magkakaroon siya ng kasaling pelikula sa MMFF kaya super excited ang actor na unang nakilala sa sexy movie with Alexa Miro. Katwiran ng aktor, ginamit lang niyang stepping stone ang pagpapa-sexy noon.

Na nagbunga naman dahil ngayon ay heto at nagkaka-career siya.